Bruk av husdyrgjødsel vert regulert etter forskrift om gjødselvarer mv. av organisk opphavRegulerer både lagring og spreiing av husdyrgjødsel, silopressaft m.m.

Viktige tilhøve som bonden må veta om

• Lager skal vera tett.
• Lager skal ha tilstrekkelig kapasitet til lagring i 8 mnd.
• Husdyrgjødsel skal spreiast i vekstsesongen og seinast 1. sept.
• Det er forbod mot spreiing på snødekt eller frosen mark (tidlegast 15. februar)
• Det er krav om godkjent spreieareal og at det enkelte bruk disponerer nok spreieareal i høve til gjødselmengde frå dyra.
• Fulldyrka og overflatedyrka jord blir automatisk godkjent for spreiing.
• Innmarksbeite kan ikkje brukast til spreiing utan at det er førehandsgodkjent som spreieareal av kommunen.
• Utmarksareal kan ikkje godkjennast som spreieareal.
• Bruk av husdyrgjødsel skal inngå i årleg gjødselplan.  (jfr forskrift om gjødselplanlegging)

Meir om godkjenning av innmarksbeite som spreieareal

• Dei fleste bruk i Bjerkreim har etter søknad fått godkjent spreieareal på innmarksbeite. 
• Gamle godkjenningar gjeld framleis men bare for det konkrete arealet som er godkjent.
• Mange bruk har hatt arealendringar som utløyser krav om fornya godkjenning.
• Landbrukskontoret prioriterer dette og har starta ein systematisk gjennomgang for å oppdatere spreiearealet på innmarksbeite.
• Det er laga ei kartløysing for registrering av godkjent spreieareal.  Dei som har fått areala sine registrert der kan finna dette på spreiearealportalen til Temakart Rogaland.   
• Dersom du treng meir info om korleis du kan finna ditt eige spreieareal kan du lasta ned og lesa denne "steg for steg"-instruksjonen:  "sjekke eige spreieareal" (PDF, 903 kB)

Areal som skal haldast utanfor spreiearealet

• Areal nærare enn 5 meter frå kvar side av bekk eller open grøft, vassig eller udrenert myrområde.
• Areal nærare enn 5 meter frå offentelg veg.
• Areal nærare enn 15 meter frå vatn eller elv .
• Areal under kraftliner.
• Areal med ekstra mykje stein.
• Der ein ikkje kan koma til med aktuellt spreieutstyr.