5 Oppførsel

Formålet med vurdering i oppførsel er å fremja sosial læring, medverka til eit trygt og godt skulemiljø og gi informasjon om eleven sin oppførsel. 

Skulereglane er grunnlaget for vurdering i oppførsel, jf. Opplæringslova § 10-7. Oppførsel heng saman med om elevane viser omsyn og respekt for andre. Elevane skal vera gjort kjende med skulereglane.
 

Kompetanse i fag skal ikkje trekkjast inn i vurderinga av oppførsel. I vurderinga skal det takast omsyn til føresetnadene til elevane. Det skal ikkje leggjast avgjerande vekt på enkelthendingar med mindre dei er særleg klanderverdige eller grove.

I skulane i Bjerkreim kommune blir det rekna som god oppførsel når eleven:

1. Er høfleg og hyggeleg mot medelevar og vaksne
2. bidreg til eit trygt og godt skulemiljø
3. viser respekt for andre
4. følgjer skulereglane med tanke på mobilbruk, smartklokke og køyretøy
5. det er ikkje god oppførsel om eleven:
   1. uroar i undervisning
   2. juksar
   3. utøver hærverk
   4. har ein krenkjande språkbruk
   5. sloss
   6. driv med vald, trakassering, rasisme og diskriminering
   7. driv med rusmidlar i skuletida